Hosting para tendas PrestaShop
Unha tenda en liña gasta o servidor doutra forma que unha web corporativa. Cada filtro do catálogo é unha consulta á base de datos, os bots cébanse con eles e un mal día de rebaixas nótase na caixa. Por iso, antes de propoñerche recursos, miramos como é a túa tenda.
O que tomba unha tenda
O que máis carga lle dá a unha tenda case nunca son os clientes. Son os bots que percorren o catálogo probando combinacións de filtros, centos ou miles seguidas, cada unha coa súa consulta á base de datos. Con iso unha tenda que cargaba nun segundo deixa de responder.
Os servidores de tendas levan regras contra ese tráfico e contra os intentos de entrar no panel de administración. Cando unha botnet cambia de forma, axustamos a regra na túa conta.
A outra metade do traballo é a tenda en si. Unha tenda con módulos abandonados ou con PrestaShop sen parchear é a entrada preferida dos skimmers, o código que copia as tarxetas na páxina de pagamento. Cando se publica un fallo grave de PrestaShop, revisamos as tendas que aloxamos.
Tendas que aloxamos
- PrestaShop 1.7, 8 e 9.
- WooCommerce.
- Pasarelas Redsys, PayPal e Stripe.
Que inclúe o plan
-
Discos NVMe
50 GB en discos NVMe para catálogo, imaxes e base de datos.
-
Regras contra bots
Frean os bots que percorren os filtros do catálogo e os intentos de entrar no panel.
-
Copia diaria
Nun servidor distinto ao da tenda, con restauración completa ou dun só arquivo.
-
Certificado SSL
Instalado e renovado só. Sen el non hai pasarela de pagamento que funcione.
-
Correo
20 caixas de correo co teu dominio e antispam.
-
Migración da tenda
Movemos produtos, pedidos e clientes, e probamos o carriño e o pagamento antes do cambio.
Se a túa tenda vai lenta, ás veces abonda con axustar o servidor. Outras veces o problema está dentro da tenda.
Vémolo en optimización de velocidade e en actualización de PrestaShop.
Tendas en liña de Galicia
Moitas tendas galegas venden produtos de aquí a toda España: alimentación, viño, moda, artesanía. Iso trae picos en campañas como o Nadal e un servidor que ten que aguantar eses días sen sorpresas.
Se nos avisas antes dunha campaña forte, revisamos a tenda con tempo para chegar con marxe.
O que adoita preguntarse
Revisades a tenda antes do Nadal ou das rebaixas?
Si, se nos avisas. Miramos carga, módulos e copias con antelación, para non chegar á campaña con dúbidas.
Serve para WooCommerce?
Si. As regras contra bots e o estudo previo valen igual para WooCommerce que para PrestaShop.
Cantos recursos necesita a miña tenda?
Depende do catálogo, dos módulos e do tráfico. Por iso che pedimos acceso ou uns datos antes de propoñerche un plan. Se a tenda xa non cabe nun aloxamento compartido, propoñémosche un VPS xestionado.
Que pasa se me meten un skimmer na tenda?
Quitámolo, pechamos por onde entrou e revisamos os rexistros do servidor para saber se chegaron a saír datos de tarxetas. Contámoscho en malware en PrestaShop.
Hai que pechar a tenda para movela?
Só uns minutos. Montámola en paralelo e probámola cun enderezo provisional. Para que non se perdan pedidos, o último paso faise nunha hora de pouco tráfico coa tenda en mantemento.
Cóntanos que precisas
Contéstache unha persoa do equipo técnico, non un bot. Se é urxente, chama, que é o máis rápido.
Luns a xoves, 9:00 a 17:00
Venres, 9:00 a 14:30