Saltar ao contido
Web caída ou hackeada? Axudámosche a recuperala
986 06 02 70
by

Cuestionarios de ciberseguranza para provedores

Un banco, unha operadora ou unha empresa industrial mándache un cuestionario de seguranza antes de renovar o contrato, e ninguén na empresa sabe contestar a metade das preguntas. Contestámolo contigo, con datos medidos, e arranxamos antes o que sairía mal.

Enviar o cuestionario

Como o facemos

  1. Pásasnos o cuestionario

    Tal como che chegou, en Excel, nunha plataforma ou en PDF. Separamos o técnico do que ten que contestar a dirección.

  2. Medimos o que tes

    Correo, web, servidores, copias e accesos, revisados desde fóra e por dentro. As respostas saen do que vemos, non do que supoñemos.

  3. Arranxamos o urxente

    O que sairía mal e ten arranxo rápido, como o dobre factor ou un DMARC sen configurar, corrixímolo antes de contestar.

  4. Preparamos as respostas

    Coa documentación que adoitan pedir: inventario de sistemas, política de copias e quen accede a que.

ENS, ISO 27001 e NIS2

Moitos cuestionarios toman as súas preguntas do Esquema Nacional de Seguranza ou da ISO 27001, e cada vez máis da directiva NIS2, que pide ás empresas de sectores esenciais e importantes que coiden a seguranza da súa cadea de subministración. Os seus provedores nótano en forma de cuestionario.

Non somos auditores nin certificamos. Axudámosche coa parte técnica, que é a que máis custa, e se buscas unha certificación deixámosche os sistemas preparados para a auditoría.

O que adoita preguntarse

E se non cumprimos o que piden?

O normal é que falle algo. Dicímosche que se pode arranxar antes de contestar, que leva máis tempo e como explicalo na resposta cun plan e unha data.

Tedes que vir á oficina?

Case todo se revisa en remoto. Se hai servidores ou equipos na oficina que convén ver, imos, sobre todo se estás preto de Santiago.

En que se diferencia dunha auditoría?

A auditoría de seguranza revisa todo o que tes exposto. Aquí partimos das preguntas do cuestionario e miramos só o necesario para respondelas ben.

Tamén che pode facer falta

Cóntanos que precisas

Contéstache unha persoa do equipo técnico, non un bot. Se é urxente, chama, que é o máis rápido.

986 06 02 70

Luns a xoves, 9:00 a 17:00
Venres, 9:00 a 14:30

Responsable: InvBit Diseño y desarrollo web S.L.
Finalidade: responder á túa consulta e, se o pides, enviarche un orzamento.
Lexitimación: o teu consentimento.
Destinatarios: non se ceden a terceiros salvo obriga legal.
Dereitos: acceso, rectificación, supresión e os demais que explica a política, escribindo a info@netsis.es. Máis información na política de privacidade.