Saltar ao contido
Web caída ou hackeada? Axudámosche a recuperala
986 06 02 70
by

Optimización de velocidade web

Cando unha web ou unha tenda tarda en cargar, buscamos onde se vai o tempo: no servidor, na base de datos ou na propia web. Corrixímolo e ensinámosche a medición de antes e a de despois.

Pedir unha revisión

Medir coa caché apagada

Coa caché acesa case calquera web parece rápida, porque serve unha copia xa feita. O problema aparece cando a caché non está, que é o que lle pasa ao primeiro visitante, ao que entra no carriño ou ao que filtra o catálogo. Por iso medimos tamén sen ela.

O que atopamos adoita ser unha mestura de consultas que o tema repite sen necesidade, plugins que cargan en todas as páxinas aínda que se usen nunha, imaxes a tamaño de cartel e un servidor sen axustar para ese tipo de web.

Corriximos o que dá resultado e deixámosche as cifras.

Onde actuamos

  • Servidor

    PHP-FPM, OPcache e Redis axustados á túa web.

  • Base de datos

    Consultas lentas, índices que faltan e táboas que medran sen control.

  • Caché de páxina

    Configurada segundo a web, coas exclusións que necesita un carriño.

  • Imaxes

    Tamaños correctos e formatos modernos como WebP.

  • Tema e plugins

    O que se carga de máis e cando convén substituír algo.

  • Bots

    Tráfico automático que se come o servidor, sobre todo nos filtros das tendas.

A distancia pesa menos do que parece

Cando unha web vai lenta, o primeiro que se pensa é que o servidor está lonxe. Nas que medimos, o tempo adoita irse na propia web e na base de datos, e iso arránxase igual estea o servidor en Galicia ou en Alemaña.

O que adoita preguntarse

Vai máis rápida a web se o servidor está en Galicia?

Dentro de Europa a diferenza por distancia son milisegundos. Pesa moito máis como está feita a web, e ensinámoscholo coa medición de antes e a de despois.

Garantídesme unha puntuación en PageSpeed?

Non. A puntuación depende tamén de cousas que non controlamos, como os scripts de terceiros. O que si che damos é o tempo real de carga medido antes e despois.

Fai falta cambiar de hosting?

Non sempre. Moitas veces o colo de botella está na web. Se o servidor é o problema, dicímoscholo con datos.

Canto custa?

Segundo o que haxa que tocar. Antes de comezar dámosche un orzamento coas horas estimadas.

Tamén che pode facer falta

Cóntanos que precisas

Contéstache unha persoa do equipo técnico, non un bot. Se é urxente, chama, que é o máis rápido.

986 06 02 70

Luns a xoves, 9:00 a 17:00
Venres, 9:00 a 14:30

Responsable: InvBit Diseño y desarrollo web S.L.
Finalidade: responder á túa consulta e, se o pides, enviarche un orzamento.
Lexitimación: o teu consentimento.
Destinatarios: non se ceden a terceiros salvo obriga legal.
Dereitos: acceso, rectificación, supresión e os demais que explica a política, escribindo a info@netsis.es. Máis información na política de privacidade.