Saltar ao contido
Web caída ou hackeada? Axudámosche a recuperala
986 06 02 70
by

Actualización de PrestaShop

Actualizar unha tenda dá medo, e con razón: pasarelas de pagamento, módulos de terceiros, modelos retocados. Facémolo primeiro nunha copia completa da tenda, probamos o proceso de compra enteiro e só despois tocamos a tenda real.

Pedir orzamento

Que versión che toca

Dentro da mesma rama, por exemplo dunha 1.7 antiga á 1.7.8.11, a actualización faise sobre a tenda que xa tes. É o máis habitual e o que máis seguranza dá por menos traballo.

Saltar a PrestaShop 8 ou 9 é outra cousa. Cambian os modelos, moitos módulos non teñen versión compatible e algunha pasarela de pagamento hai que substituíla. Ás veces compensa máis refacer a tenda sobre a versión nova. Dicímoscholo con números antes de comezar.

Como o facemos

  1. Revisión

    Listamos módulos, modelo e pasarelas, e comprobamos cales teñen versión compatible.

  2. Ensaio nunha copia

    Actualizamos unha copia exacta da tenda e arranxamos aí o que falle.

  3. Compras de proba

    Facemos pedidos con cada forma de pagamento e comprobamos correos, stock e impostos.

  4. Cambio na tenda real

    Nunha hora de pouco tráfico, con copia da tenda xusto antes e posibilidade de volver atrás.

Tendas que quedaron na 1.6 ou na 1.7

Moitas tendas de Galicia montáronse con PrestaShop hai anos e seguen en versións 1.6 ou 1.7 antigas, con módulos que xa ninguén mantén. Actualizalas a tempo sae máis barato que limpar unha tenda hackeada.

O que adoita preguntarse

Actualizades tendas que non están aloxadas convosco?

Si. O ensaio faise sobre unha copia no noso servidor de probas e o cambio final no teu hosting, sexa cal sexa.

Pérdense pedidos ou clientes?

Non. Pedidos, clientes e produtos seguen na mesma base de datos. O que cambia é o programa.

Canto tempo está a tenda pechada?

Só durante o paso final, nunha hora tranquila. O traballo longo faise na copia.

Actualizades tamén WooCommerce?

Si, co mesmo método. Telo en mantemento de WordPress.

Tamén che pode facer falta

Cóntanos que precisas

Contéstache unha persoa do equipo técnico, non un bot. Se é urxente, chama, que é o máis rápido.

986 06 02 70

Luns a xoves, 9:00 a 17:00
Venres, 9:00 a 14:30

Responsable: InvBit Diseño y desarrollo web S.L.
Finalidade: responder á túa consulta e, se o pides, enviarche un orzamento.
Lexitimación: o teu consentimento.
Destinatarios: non se ceden a terceiros salvo obriga legal.
Dereitos: acceso, rectificación, supresión e os demais que explica a política, escribindo a info@netsis.es. Máis información na política de privacidade.